August 4, 2022

СТАНЕТЕ МАКЕДОНЦИ ЌЕ ВИ ГИ ЛУСТРИРААТ ДЕДОВЦИТЕ: Македонија подготвува закон за објавување на досиејата од 1945 до 1991 година

t

Македонската влада подготвува нов закон со кој ќе се овозможи да се обелоденат сите досиеја на „злобната југословенска државна безбедност од 1945 до 1991 година“, објави БГНЕС.

Тоа е одлука со која ќе се исполни заложбата од протоколот потпишан меѓу министрите за надворешни работи на Бугарија и наМакедонија, Теодора Генчовска и Бујар Османи.

Во него се наведува дека „сеопфатната правна рамка за целосно отворање на архивите на репресивниот апарат на поранешните државни безбедносни служби од времето на комунизмот, вклучително и полицијата, цивилното и военото разузнавање и контраразузнавањето“, треба да биде готова во рок од една година.

Според сегашниот закон, архивските материјали се генерално достапни по 20 години од нивното создавање. Сепак, ова не важи за архивите поврзани со „разузнавањето и безбедноста“, кои се наменети да бидат достапни само 100 години по нивното создавање.

Сегашниот закон предвидува досиејата декласифицирани во рамките на процесот на лустрација да можат лично да ги читаат набљудуваните лица или нивни блиски.

Информацијата дека се подготвува нов закон ја пренесе пратеникот Павле Трајанов, чија партија Демократски сојуз е дел од владејачката коалиција.

„Според информациите со кои располагаме, веќе се подготвува нов закон со кој ќе се овозможи сите досиеја да бидат општо достапни за сите заинтересирани страни“, рече Трајанов.

Владини извори ја потврдија информацијата со одредба дека има доволно време до имплементација на овој дел од протоколот „за да можеме подобро да ги дефинираме и канализираме активностите и тие да се реализираат на најдобар можен начин“.

Се очекува по летните одмори да почне да се разговара за ова прашање, а во тој процес „ќе бидат вклучени повеќе институции“.

По потпишувањето на протоколот, останува нејасно прашањето каде се документите, за кои официјална Софија инсистира да бидат јавно достапни, тврди БГНЕС.

Share this:

About admin

admin

  • Website
  • Email

Add Comment

Skip to toolbar